Асыл аналар мерекесі

8 наурыз — Халықаралық әйелдер күні мерекесіне орай, Байылдыр ауылы, «Балдаурен» бөбекжай-балабақшасында кіші «Ботақан» тобында «Ақ анам!», ортаңғы «Айгөлек» тобында «Ана — өмір шуағы» атты ертеңгіліктер өтті.
Ертеңгіліктердің мақсаты балаларды мейірімділікке, аналарды өлшеусіз еңбегін бағалай білуге, ананы сүюге, сол арқылы еліне, жеріне деген сүйіспеншілігін арттыруға тәрбиелеу. Дүниедегі жақсылық атаулының бәрі күннің нұрынан, ананың мейірімінен тарайтынын ұғындыру. Ертеңгілік барысында бүлдіршіндер аналарын, апайларын, топ қыздарын құттықтап, өлең шумақтарын арнап, көңілді әндер айтып, шаттанып билер биледі. Түрлі кейіпкерлер қонаққа келіп, балалардың қөңілдерін көтеріп, ертеңгіліктің барынша қызықты өтуіне атсалысты. Соңында тәрбиеші балаларды мақтап-мадақтап сыйлықтар таратылды. «Анашым, әрқашан қасымда болшы!» әуенімен аяқтады. Ертеңгілікті қортындылай келе «Балдәурен» балабақшасының меңгеруші міндетін атқарушысы Д.И.Сайдалиева осы ертеңгіліктің жоғары деңгейде өтуіне атсалысқан балабақша әдіскері Г.С.Токсанбаеваға және тәрбиешілер А.Т.Тажибаева, Г.М.Жолтаева, Г.С.Енжанова, А.Д.Талпаковаларға өз ризашылықтарын білдіріп, еңбектерінің жемісін көрулерін айтып, мерекеге деген жылы лебізін білдірді.