Қоғамдық келісім кеңесінің отырысы өтті

Кентау қалалық Қоғамдық келісім кеңесінің төрағасы Н.Жақайдың төрағалығымен қалалық Қоғамдық келісім кеңесінің отырысы өтті. Онда еңбек мигранттарының мәселелері кеңінен талқыланды.
Қалалық полиция бөлімінің аға инспекторы Қазыбек Әлімтаев еңбек мигрантары арасындағы жағдай туралы баяндады. Кентау қаласына 2021 жылдың 2 ай ішінде 74 шетел азаматы уақытша тіркелген. Олар тұрақты медициналық тексеруден өтіп отырады.
Күн тәртібіндегі екінші мәселе мемлекеттік тілді дамыту және қазақ тілін этносаралық қатынас тілі ретіндегі әлеуметтік маңызын арттыру бойынша қалалық мәдениет және тілдерді дамыту бөлімінің басшысы Ақнұр Байболова кеңінен айтып өтті.
«Қазақстан Республикасының Тұңғыш Президенті, Елбасы Нұрсұлтан Назарбаев «Қазақстандықтардың басын біріктіруші фактор — қазақ тілі, сондықтан мемлекеттік тілдің мәртебесін баршамыз бірігіп көтеруіміз керек» деген болатын. Кентау қаласына қарасты ауылдарда мемлекеттік тілді дамыту мақсатында, Кентау қаласына қарасты ауылдарда орналасқан білім ошақтарының қызметкерлеріне мемлекеттік тілді оқыту қолға алынды. Өткен жылы жалпы саны 376 адам қазақ тілі курсын аяқтап шықты. Қазіргі таңда 413 тыңдаушы курста оқып жүр» — деді ол. Сонымен қатар, этнос өкілдерінің қатысуымен мемлекеттік тілді дамыту мақсатында атқарылып жатқан жұмыстарды атады.
Президент Қасым-Жомарт Тоқаев 2021 жылғы 5 қаңтарда «Egemen Qazaqstan» газетінде «Тәуелсіздік бәрінен қымбат» атты мақаласында мемлекеттік тіл мәселесіне айрықша тоқталып өтті. Осыған орай, кеңес мүшелері мемлекеттік тілді дамыту мақсатында өз ұсыныстары мен пікірлерлерін айтты.