Кентаулық қос бүлдіршін бас жүлдеге ие болды

Елбасының «Рухани жаңғыру» бағдарламалық мақаласының аясында «Alash oner ordasy» ұйымы Халықаралық Махамбет, Абай және Мұқағали оқуларын ұйымдастырды.
Ұлы кемеңгерлерімізді ұлықтауға тұрарлық мәдени мұраларын дәріптеп, еліміздің руханиятын байыту, тарихымыздың тағылымды қырларын таныту мақсатында өткен іс-шараға қатысқан кентаулық қос бүлдіршін республикалық байқаудан жүлдегер атанды. Яғни, 12 жасар Жұлдызай Шүкірбаева мен 17 жастағы Ақжүніс Мұсаханова көркем сөз оқу жанры бойынша бас жүлдеге ие болып, Нұр-Сұлтан қаласында өтетін байқауға жолдама алды.
Қалалық мәдениет және тілдерді дамыту бөлімінің басшысы Ақнұр Байболова бас жүлде алған қос бүлдіршінді арнайы құттықтап, халықаралық байқаудың жолдамасын табыс етті.