Түсіндіру жұмыстары жалғасуда

Төтенше жағдайлардың басым бөлігі қыс мезгілінде орын алатыны баршамызға белгілі. Оның ішінде қатты боран, тайғақтан жолдағы көліктердің соқтығысы, жолдардың жабылуы, улы газдан улану, жылу жүйелерінен шығатын өрттер бар.
Төтенше жағдайларға қарсы халықтың қауіпсіздігін қамтамасыз ету мақсатында, төтенше жағдай қызметкерлері үгіт-насихат жұмыстарын жүргізуде. Тұрғын үйлерді аралап, тұрмыстық өрт қауіпсіздігі ережелерін, улы газдан уланудың алдын алу шараларын түсіндіріп жатыр.
Жылу маусымы басталғаннан бері, Кентау қаласының Төтенше жағдайлар бөлімі мен №12 өрт сөндіру бөлімі қызметкерлері алдын ала жоспарланып бекітілген кестеге сәйкес, Кентау қаласы, №67, №68 орамдарда орналасқан тұрғын үй иелеріне арнайы тақырыпта жадынамалар таратып, өрт қауіпсіздігі ережелерін түсіндірді.