Бала деп соққан бауырмал жүрек

2021 жыл — балалар әдебиеті жылы болып бекітілді. Осыған орай №11 кітапхана-филиалының ұйымдастыруымен «Қамқор» балабақшасында балалар жазушысы Мұзафар Әлімбаевтың шығармаларын насихаттау мақсатында «Бала деп соққан жүрегі» атты әдеби сазды кеш өтті.

Мұзафар Әлімбаев 1923 жылы Павлодар облысы, Шарбақты ауданы, Маралды селосында дүниеге келді. Мұзафар Әлімбаев негізінен ересектерге арнап жазатын ақын болғанымен, ол еш уақытта балаларды назарынан тыс қалдырмаған. Ол өзінің шығармаларымен жас оқырмандарына ертеден таныс.
Ақынның әсіресе мектеп жасына дейінгі балдырғандар мен бастауыш мектеп оқушыларына арнап жазған өлеңдері тым қызық, өте әсерлі. Оны үлкен кісілерде сүйсініп оқып, балалық шақтарын еске түсіреді.
Ақын «Кім ұтылды, кім ұтты…» өлеңін сұрақпен аяқтап, оқиға шешімін балалардың өз талқысына салады, сөйтіп олардың ойын дамытуға, өздерінше пікір таласын тудыруға сілтейді.
Кішкентай оқырмандарды кітап оқуға баулу мақсатында өткізілген іс-шарада бүлдіршіндер ақын Мұзафар Әлімбаевтың өлеңдерін жатқа айтып, өз өнерлерін ортаға салды.
Балаларды адалдық пен мейірімділік жолына жетелеген «Қамқор» балабақшасының ұжымына яғни, меңгерушісі Анар Медетбекова мен әдіскер Гулзира Еримбетовағы, саз жетекшісі Гульнара Піржановаға, тәрбиешілері Эльмира Құрбаналиева мен Бибіхан Мусановаға кітапхана ұжымы атынан алғысымызды айтамыз.
С. Жүнісова,
№11 кітапхана-филиалының кітапханашы