Жолдардың сапалы салынуын «Nur Otan» партиясының бақылауға алды

Шаға ауылындағы жол жөндеу жұмыстары көпшіліктің көңілінен шықпай отыр. «Ауыл — ел бесігі» жобасы мемлекеттік бағдарлама аясында жөнделген жолдардың кедір бұдыр тұстары көп. Ал асфальт астынан өткен газ құрының орындары тіпті төмен түсіп кеткен. Ал, жүргіншілер жолының ортасындағы орналасқан бағанаға түрғындардың жүріп тұруына қиындық тудырауда. Әрі көпшілікті күлкісін туындатып отыр.


«Nur Otan» партиясы Кентау қалалық филиалының Партиялық бақылау комиссиясының отырысында «Ауыл – ел бесігі» жобасы аясында Шаға және Оранғай ауылында атқарылған жұмыстардың есебін тыңдады.
Шаға ауылдық округі әкімі аппаратының маманы Е.Бейсеновтің берген мәліметіне сәйкес, Қазақстанның 30 жылдығы елді мекенінде 16 көшеге орташа жөндеу жұмыстары және 6 көшеге жарықтандыру жұмыстары жүргізіліп, 3 көшеге жаяу жүргіншілер жолдары салынған.
Дегенмен, комиссия мүшелері есепке көңілдері толмайтындығын жеткізді. Арнайы барып, атқарылған жұмыстармен танысқан партиялық бақылау комиссиясының төрағасы, қалалық мәслихат депутаты Мейрамбек Күнпейсов пен хатшысы, «Nur Otan» партиясы Кентау қалалық филиалының консультанты Бейсен Самбетов орын алған кемшіліктерді атап өтіп, тез арада дұрыс қажеттігін жеткізді. Ауылдық әкімдік мамандарынан бақылау жүргізбегендігін сөз етіп, шара көру туралы ұсыныс берді.
Ал, Оранғай ауылында «Ауыл – ел бесігі» жобасы аясында 11 көшелерінде орташа жөндеу жұмыстары жүргізілген. Ауыл әкімі Сыздық Пирметов партиялық бақылау комиссия тарапынан айтылған кемшіліктердің дер кезінде түзетілетіндігін жеткізді.
Комиссия тарапынан жасалған сараптама қорытындысына сәйкес анықталған кешіліктерді жою мақсатында, ұсыныстар негізінде тиісті шешім қабылданды.