Ардагерлерге құрмет — ұрпаққа міндет

Кентау көпсалалы колледжінің ерікті жастары мен Жастар орталығының қызметкерлері бірлесіп С.Қожанов саябағындағы «Азыла ана» ескерткішіне тазалық жұмыстарын жүргізді. Тақтайшалардың шаңдары сүртіліп, жиналған қоқыстары алынды.

Сондай-ақ, «Ардагерлерді ардақтайық» акциясының аясында Ұлы Отан соғысы жылдарында тылда еңбек еткен тұрғындардың үйлеріне барып, арнайы сый-құрметтерін көрсетті. Отан үшін от кешкен қарт майдангерлерге бүгінгі ұрпақ атынан, бейбіт өмір сыйлаған отты жылдардағы ерліктері үшін алғыстарын айтты.
Ғұмырлары ерлік пен күреске толы қарт майдангерлер көрсетілген құрметке өз ризашылық көңілдерін білдіріп, келешек ұрпаққа бейбіт заман тілеп, ақ баталарын берді.