БҮГІНГІ БАЛА — ЕРТЕҢГІ ТАБИҒАТ ҚОРҒАУШЫСЫ

1-ші қыркүйек — Білім күніне орай Кентау қаласының әкімі Дәурен Махажанов Ә.Бөкейханов атындағы №23 жалпы орта мектебінің алғашқы қоңырау салтанатты іс-шарасына қатысты. Оқушылар мен ата-аналарды жаңа оқу жылымен құттықтап, оқушылармен бірге ағаш отырғызды.
— Еліміздің дамуы мен оның табиғи байлығын, сұлу келбетін сақтауда жастардың үлесі үлкен. Шынымен де, бүгінгі таңда мемлекет тарапынан табиғат байлығын қорғауда ауқымды шаралар жүзеге асып жатыр. Ал, мектептерде өткізілетін арнайы сабақтардың барысында экологиялық мәселелерге бей-жай қарамауды үйретуіміз қажет, – деді қала басшысы.
Сонымен қатар, қалалық адам әлеуетті дамыту бөлімінің басшысына қаладағы барлық мектептердің ауласына оқушылардың қатысуымен күз мезгіліндегі көшеттер отырғызу шарасын ұйымдастыру керектігін тапсырды.