Мәңгілік елдің — мәңгілік тілі

Кентау қаласында «Қазақстан халқы тілдері күні» мерекесі аталып өтті. Қазақстан Республикасында тіл саясатын іске асыру, мемлекеттік тілдің қолдану аясын кеңейту, тіл мәдениетін көтеру мақсатында ұйымдастырылған шарада карантиндік сақтық шаралары қатаң сақталды.
«Мәңгілік елдің — мәңгілік тілі» атты салтанатты жиында қала әкімі аппаратының басшысы Амалбек Өміртай көпшілікті тілдер мерекесімен құттықтады.
— Әр адам өзінің тілін шыр етіп дүние есігін ашқаннан бастап құлағына сіңіруі тиіс. Себебі, тілін білген адамның бойында патриоттық сезім қалыптасады. Олар елге, ұлтқа пайдалы мәселелерді қозғап, жауапкершілікті сезінеді. Өйткені, мемлекеттік тіл елімізде аса маңызды – деді Амалбек Дәркенұлы.

Салтанатты жиында қаланың дамуына үлес қосқан біршама азаматтар Кентау қаласы әкімінің арнайы алғыс хатымен марапатталды.