91 жастағы қария covid-ке қарсы екпе қабылдады

Әлемді жайлаған індетпен күресудің бірден бір жолы — екпе ектіру. Егу науқаны басталғалы Кентауда 47140 адам вакцина алған. Соның ішінде жасы үлкен қарияларда бар.
Қарнақтық Заманбай Атишов 91 жаста. 1930 жылы Кентау қаласы Қарнақ ауылында дүниеге келген ақсақал бүгінде вакцинаның екі компонентінде қабылдапты. Қазір қарияның жағдайы қалыпты.
— Ғылым дәлелдеген екпеге сенім артып, індеттен сақтану үшін екпе қабылдадым. Балаларымда қабылдады. Бұл індетті жеңу үшін дәрігерлерге сенім арту қажет – дейді ақсақал.
Заманбай қариямен жұбайы Құрбан апа екі перзенттен 6 немере, 4 шөбере сүйіп отыр.

Ал, Мұхтархан Жалалов есімді 85 жастағы Қарнақ ауылының тұрғыны да екпе алып, жастарға үлгі көрсетті. Ақсақал вирусқа қарсы Спутник-V вакцинасының екі дозасын да қабылдап үлгерген.
— Денсаулыққа немқұрайлы қарамау керек — дейді ол.
Ал ауыл емханасының қызметкерлері, өз еркімен екпе салдыруға келетін егде жастағылардың қатары көп екенін айтады. Олардың барлығы дерлік дәрігерлердің бақылауында.