«Nur Otan» партиясында бірлескен мәжіліс өтті

«Nur Otan» партиясы Кентау қалалық филиалының Партиялық бақылау комиссиясының және филиал жанындағы Сыбайлас жемқорлыққа қарсы іс-қимыл жөніндегі қоғамдық Кеңесінің кезектен тыс бірлескен мәжілісі өтті.
Күн тәртібіне сәйкес, «Қарнақ ауылының шаруа қожалықтарына күздік дала жұмыстарына жеңілдетілген бағамен бөлінген жанар – жағармайдың таратылуы туралы комиссияның жасаған мониторингінің қорытындысы» бойынша ауылшаруашылық бөлімі және Қарнақ ауылы әкімінің есептері тыңдалды.
Жүргізілген мониторинг жұмыстарының қорытындысы негізінде бірлескен мәжілістің шешіміне сәйкес, Қарнақ ауылының шаруа қожалықтарына күзгі дала жұмыстары үшін арзандатылған жанар – жағармайды тауар өндірушілерге жеткізіп беруде жіберілген кемшіліктері мен бақылау болмағанын ескеріп, Кентау қалалық ауылшаруашылық бөлімі басшысының міндетін аиқарушы Д.Жұмабаевқа және Қарнақ ауылының әкімі М.Диметовке Кентау қаласы әкіміне тәртіптік шара көру туралы ұсыныс жолданатын болды және де қала әкімінің орынбасары Ғ.Үсенбаевқа жанар — жағармайды бақылау мәселесі бойынша бірқатар ұсыныстар берілді.