Ұстаздар арасында волейболдан жарыс өтті

Қазақстан Республикасы Тәуелсіздігінің 30 жылдығына және Кентау қаласының Қорғаныс істері жөніндегі бөлім бастығы, подполковник Алмазхан Асановтың зейнеткерлікке шығу құрметіне орай ұстаздар арасында волейболдан қала біріншілігі өтті.


Салауатты өмір салтын насихаттау мақсатында ұйымдастырылған шарада Туркестан облысының қорғаныс істер жөнінде жасақтау басқармасының бастығы, полковник Алимжан Оспанов және Кентау қаласының адами әлеуетті дамыту бөлімінің бастығы Баянғали Жұмабаев құттықтау сөз сөйлеп, Алмасхан Шәкенұлының Кентау қаласында абыройлы еңбек еткендігін айтып өтті.


Сондай-ақ, жастарды патриоттық тұрғыда тәрбиелеу, отансүйгіштікке баулу мақсатында көптеген игі істерге ұйытқы болып жүрген қала жанашырынының еңбектерін атап өтті. Спортшыларға сәттілік тіледі.

Тартысты да қызықты ойынның барысында І-орынды Ю.Гагарин атындағы №16 мектеп ұжымы, ІІ-орынды Ы.Алтынсарин атындағы №1 мектеп ұжымы жеңіп алды. Ал, ІІІ- орынды А.С.Пушкин атындағы №6 мектеп пен Төрткүл Төбе атындағы №15 мектептен қатысушы командалар өзара бөлісті.