Кентауда рәміздер алаңы салынып жатыр

Кентау қаласында «Рәміздер алаңының» құрылысы жүріп жатыр. Тәуелсіздіктің 30 жылдығына тарту ретінде қолға алынған игі іс келер жылдың наурыз айында аяқталады, деп хабарлайды ҚентауАқпарат.
Жуырда жергілікті тұрғындар «Көктөбе» деп атап кеткен жерге 25 метр биіктікке Мемлекеттік ту орнатылды. Қазіргі кезде «Рәміздер алаңының» маңайына жарықшамдар мен орындықтар қойылып, көлік тұрақтары орналастырылып жатыр.
«Бұл аймақты жергілікті тұрғындар мен қонақтар келіп тамашалайтын мекенге айналдырамыз деген жоспарымыз бар. Алаңның айналасынан кәсіпкерлік мақсатқа аукцион арқылы жер беріледі. Мейрамхана, қонақ үй секілді халыққа қызмет ететін нысандар бой көтереді. Бұл аймақ Кентау қаласын төбеден көріп, тамашалауға өте қолайлы жер», — дейді қала әкімінің орынбасары Қуаныш Искаков.