Кентау қаласының Қоғамдық кеңесін қалыптастыру жөніндегі жұмыс тобының мүшелерін сайлауға конкурсөткізу туралы ХАБАРЛАНДЫРУ
Кентау қалалық мәслихаты Кентау қаласының Қоғамдық кеңесін (әрі қарай Жұмыс тобы) қалыптастыру жөнінде жұмыс тобының мүшелерін сайлау туралы коммерциялық емес ұйымдар өкілдері, азаматтар арасында конкурс жариялайды.
Жұмыс тобының мүшелігіне кандидатураларды коммерциялық емес ұйымдар, азаматтар ұсынуы, оның ішінде өзін-өзі ұсынуы мүмкін.
Өз ұсынысын жолдайтын әрбір коммерциялық ұйым және әрбір азамат біреуден аспайтын кандидат ұсына алады.
Қазақстан Республикасының он сегіз жасқа толған, Кентау қаласы шегінде тұратын азаматы Жұмыс тобының мүшелігіне кандидат бола алады.
Конкурсқа қатысуға ниет білдірген азаматтар, коммерциялық емес ұйымдардың өкілдері жұмыс тобының мүшелерін іріктеу жөнінде конкурс өткізу туралы хабарландыру орналастырылған күннен бастап күнтізбелік бес күн ішінде хабарландыруда көрсетілген мынадай құжаттарды қолма-қол береді немесе kentau.maslihat@gmail.com электрондық адреске құжаттарды жолдай алады:
1) ҚР Ақпарат және қоғамдық даму министрінің 2021 жылғы 26 ақпандағы №69 «Қоғамдық кеңес туралы үлгілік ережені бекіту туралы» бұйрығының 1-қосымшасына сәйкес нысан бойынша кандидатураны жұмыс тобының құрамына ұсыну туралы азаматтың өтініші;
2) кандидатураны (бар болған кезде) жұмыс тобының мүшесіне ұсыну туралы коммерциялық емес ұйымның жазбаша ұсынысы;
3) кандидаттың кәсіптік және (немесе) қоғамдық қызметі туралы мәліметтер;
4) Қазақстан Республикасы азаматының жеке куәлігінің көшірмесі.
Сонымен қатар, Жұмыс тобының отырысына байқаушы ретінде қатысу үшін байқаушы болуға ниет білдірген адамҚР Ақпарат және қоғамдық даму министрінің 2021 жылғы 26 ақпандағы №69 «Қоғамдық кеңес туралы үлгілік ережені бекіту туралы» бұйрығының 1-қосымшасына сәйкес нысан бойынша, Қоғамдық кеңесті қалыптастыру жөніндегі жұмыс тобының мүшелерін іріктеу бойынша конкурсқа байқаушы ретінде қатысуға өтініштіхабарландыруда көрсетілген мынадай құжаттарды қолма-қол береді немесе kentau.maslihat@gmail.com электрондық адреске құжаттарды жолдай алады.
Құжаттар жазбаша түрде мына мекен-жай бойыншажолданады: 160400Кентау қаласы, Абай даңғылы 15, Кентау қалалық мәслихаты.
Ұсыныстарды қабылдау 2022 жылдың 21 ақпанына дейін дүйсенбі мен жұма аралығында сағат 09.00-ден бастап, 18.30-ға дейін жүргізіледі, үзіліс 13.00-ден 14.30 сағатқа дейін.
Т. Балабиев,
Қалалық мәслихат хатшысы
