Кентау қаласының ішінде көліктің жылдамдығы 40-тан аспайтын болады, — деп хабарлайды KentauINFO.kz.
Жергілікті «Тұран Түркістан» телеарнасына берген сұхбатында Рашид Абадұлы қала тұрғындарының қауіпсіздігі үшін қала ішіндегі көлік жылдамдығы 40-қа дейін шектелетіндігін айтты.
«Шымкенттегі «Сергек» камераларының алды Кентауға келіп қойды. Жылдың соңына дейін 200 камераға жеткіземіз деген жоспарымыз бар. Басты мақсат — тұрғындардың қауіпсіздігін қамтамасыз ету. Сондай-ақ, қаланың ішінде жылдамдық 40-тан аспайтын болады. Қауіпсіз қала бағдарламасы аясында жаяу жүргіншілер мен велосипедшілерге жағдай жасаймыз», — деді қала әкімі.
