Кентау қалалық мәслихаттағы «Nur Otan» партиясы фракциясының отырысы өтті

Қала әкімі аппаратының кіші залында Кентау қалалық мәслихаттағы «Nur Otan» партиясы депутаттық фракциясының мәжілісі өткізілді. Мәжіліске қалалық партия филиалының төрағасы , қала әкімі Д.Мақажанов, партия филиалы төрағасының бірінші орынбасары, қала әкімінің орынбасарлары, фракция мүшелері, қала әкімдігіне қарасты тиісті бөлім басшылары және филиал қызметкерлерлері қатысты.
Фракция отырысының күн тәртібі бойынша бір мәселе қаралды. «Nur Otan» партиясының Кентау қаласы бойынша «Өзгерістер жолы: Әр азаматқа лайықты өмір!» атты сайлауалды бағдарламасы жол картасының 2021 жылы атқарылған жұмыстары туралы.
Фракция отырысын қалалық мәслихат депутаты, фракция жетекшісі Қ.Бекметов төрағалық жасап жүргізіп отырды.
2021-2025 жылға бекітілген қалалық партия филиалының сайлауалды бағдарламасының жол картасы бойынша 2021 жылы қала көлемінде атқарылған жұмыстар бойынша қалалық экономика және қаржы бөлімінің басшысы И.Азизбаев қала көлемінде «Nur Otan» партиясы қалалық филиалының сайлауалды бағдарламасының Жол картасының 2021-2025 жылдарға 82 іс-шара жоспарланғанын және аталған іс-шараның 2021 жылы 73 іс-шара орындалғанын және 9 іс шара орындалмағанын баяндап 2022 жылға арналған Жол картасының іс-шараларымен таныстырды.
Фракция мүшелері тарапынан сұрақтар қойылып, ұсыныстар берілді.
Жиын соңында партия филиалының төрағасы Д.Мақажанов қала әкімінің орынбасарлары мен тиісті қала әкімдігіне қарасты бөлім басшыларына орындалмау қауіпі бар индикаторларға нақты сараптама жүргізіп, тиісті шешім қабылдап, жол картасына әкімдік тарапынан өзгерістер енгізу бойынша тапсырмалар беріліп, фракция мүшелеріне бақылауды күшейтуді тапсырды.
Талғат Балабиев,
«»Nur Otan» партиясының мүшесі