Отырар аудандық полиция бөлімінің қызметкерлері Қарақоңыр ауылдық округіне қарасты далалық алқаптарда кеурек өсімдігін жинап жүрген 51 шетелдікті анықтады. Олардың 31-і Өзбекстан, 17-сі Тәжікстан Республикасының азаматтары болып шықты.
«Шетелдіктерге ҚР ӘҚБтК-нің 517-бабы 5-бөлігі «Шетелдiктiң немесе азаматтығы жоқ адамның Қазақстан Республикасының халықтың көші-қоны саласындағы заңнамасын бұзуы» бойынша шара көріліп, ел аумағынан аластатты» — делінген Түркістан облысы полиция департаментінің баспасөз қызметі таратқан хабарламада.
Атай кетейік, Түркістан облысында кеурек қазушылар бұдан алдын да ұсталған болатын.