Түркістен облысы бойынша барлық сауда базарлар саны — 91, оның ішінде бүгінгі таңда жұмыс істейтін базар саны — 79.
Осы базарларда жұмыс істейтін кәсіпкерлердің жұмыстарын әкімшілендіру мақсатында үш жақты (Мемлекеттік кірістер басқармасы, аудан әкімдігі және базар әкімшілігі) өзара түсіністік және ынтымақтастық туралы меморандум түзілді. Бұл туралы Түркістан облысы бойынша Мемлекеттік кірістер департаментінің басқарма басшысы Мейрамбек Байқадамұлы мәлімдеді.
Тараптар жалпы қабылданған тәжірибені негізге ала отырып, тең құқықтық, ізгі ниет, құрмет пен сенім негізінде ынтымақтастықты жүзеге асырады.
Меморандумның мақсаты — нарықтардың жұмысын регламенттеуге қатысты Мемлекет басшысының тапсырмасын орындау. Сондай-ақ, нарықтарда сауданы жүзеге асыратын (қызметтер көрсететін) тұлғаларға жәрдем көрсетуге бағытталған әріптестік қатынастарды орнату. Әрі тараптардың ұзақ мерзімді және өзара тиімді ынтымақтастығын дамыту.
