Жетісай ауданында Инвестиция көлемі өткен өткен жылдың сәйкес кезеңдерімен салыстырғанда 2,8 есеге артқан. Бұл туралы Жетісай ауданының әкімі Мұрат Болатұлы брифингте айтты.
Ауданда ауыл шаруашылығы өнімінің көлемі 8,6%-ға өсіп, 93 млрд. теңгені құраған.
«Жетісай ауданында бүгінде көктемгі егіс жұмыстары аяқталуға жақын. Аудан шаруалары 48 мың га жерге мақта, 17,1 мың га жерге бақша, 3,5 мың жерге дәндік жүгері, 2,3 мың га жерге көкөністер және тағы басқа дақылдар еккен. Ерте егілген қырыққабат дақылынан 30 мың тоннадан астам өнім жиналып, шет елдер мен еліміздің басқа өңірлеріне жіберілуде. Шаруалар бір жерден алынатын өнімнің көлемін арттыру мақсатында ерте жиналған өнімнің орнына екінші дақылдарды егу жұмыстарын жүргізуде. Бұндай жұмыстар 1,1 мың гектардан астам алқапқа жүргізіледі деп жоспарлануда» — деді аудан әкімі.
Ауданда «Ауыл – Ел бесігі» жобасы аясында 2021 жылы 5 елді мекенде 44 жоба іске асырылған. 2022 жылы 7 елді мекенде 35 жоба іске асырылуда.