Бүгінде Төлеби ауданының кәсіпкерлері мемлекет тарапынан жүйелі ұйымдастырылған қамқорлықты сезіне бастады. Кәсіпкерлік субъектілеріне қолдау білдіру, отандық бизнеске қолайлы жағдай туғызу мақсатында көптеген ауқымды іс-шаралар атқарылуда.
Шағын және орта бизнес өкілдеріне жұмысын жандандыру бағытында қайтарымсыз грант пен жеңілдетілген несиелер берілуде.
Мысалы, жеке кәсіпкер Асқар Маратұлы 2021 жылы Түркістан облысының аймақтық үйлестіру кеңесінің конкурсына «Құрғақ шәйді фасовка жасау» жобасымен қатысып, 5 млн теңге грант ұтып алды.
«Көксәйек ауылдық округіндегі іс-сапар барысында аудан аумағы мен Шымкент қаласын, көршілес аудандарды құрғақ шәймен қамтып отырған шағын цехтың жұмысымен таныстым. Цехты іске қосқан жеке кәсіпкер Қалиев Асқат Маратұлы жұмыс орнымен таныстырып, 150 грамдық 140 қорап шай дайындайтындығын көрсетті»-дейді аудан әкімі Төлеген Телғараева.
Құрғақ шәйді фасовка жасаумен 3 адам айналысып, олар тұрақты жалақы алуда. Цехта күніне 30 кг шәй фасовкаға салынады. Үш түрлі құрғақ шәйді қорапқа салумен айналысатын цех шикізатты Тәшкент қаласынан арнайы алдырады. Фасовкаланған шәйлар ауданның сауда орындарына жеткізіліп, сатылымға шығарылуда.
«Мемлекет тарапынан бизнесті қолдауға арналған мүмкіндіктер туралы халықты жан-жақты ақпараттандыруды үнемі бақылауда ұстаймын. Халықпен кездесулерде, әкімдік отырыстары, жеке қабылдауларда кәсіпкерлерді қолдауға арналған мемлекеттік бағдарламалар жөнінде жиі айтып жүремін. Шағын және орта бизнес субъектілері экономиканың қозғаушы күші ретінде танылуда. Сондықтан, бұл саланы дамыту бүгінгі күннің басты талабы дер едім»- дейді өндіріс орнымен танысқан аудан әкімі Төлеген Телғараева.
