Адам өмірінің қазіргі жағдайын отын ретінде табиғи газсыз елестету мүмкін емес.
Сайрам ауданына қарасты Ақбай ауылындағы Жаңақұрылыс аумағындағы 142 тұрғын үй табиғи көгілдір отынмен қамтылған. Қазіргі таңда 150-ге жуық отбасы тұрады.
Аталған аумақтың құрамын 17,0 гектарда орналасқан жеке тұрғын үйлер кіреді. Тұрғындарды инфрақұрылым жүйелерінің ішінде газ жүйесімен қамту мәселесі де шешімін тапқан.
Жергілікті бюджет есебінен нысан құрылысына 67721,26 мың теңге қаражат қаралып, игерілген.
Жаңа аумақтағы көшелерге жалпы ұзындығы 4,86 шақырым газ құбыры тартылған. Газдың жылдық шығына 1750,355 мың текше метрді құрайды. Құрылысын жүргізген «Газовое хозяйство «Шымкентгаз» ЖШС-і. Жобалаушы мекеме «А Строй Проект». Нысанның құрылысы 2020 жылы басталып, 2021 жылдың желтоқсан айында тиісті құжаты негізінде қабылданған.
Аудан әкімі Ұ.Сәдібеков осы аумақта жүргізілген құрылыс нысаны бойынша ауыл тұрғындарымен кездесіп, сұқбаттасты. Кездесу барысында жаңа ауылға қоныстанған халық өзінің алғысын айтып, алдағы жұмысына сәттілік тіледі.
Айта кетейік, бүгінгі таңда аудан аумағындағы 42 елді мекендерінен 2021 жылдың қортындысымен 31 елді мекен (73,8 %) табиғи газбен қамтамасыз етілген. Ал 5 жоба бойынша 7 елді мекендерін табиғи газбен қамтамасыз ету мақсатында 2021 жылы жергілікті бюджет есебінен қаражат қарастырылып, мердігер мекемелер анықталып, құрылыс жұмыстары атқарылуда. Аудан 2025 жылға дейін 100 пайыз табиғи газбен қамтылады.
