Хантағылық Жұмакүл Баймаханова сайлау учаскесіне екі келінін ертіп келді

Кентау қаласына қарасты Хантағы ауылының тұрғыны Жұмакүл Баймаханова сайлау учаскесіне екі келінімен бірге келіп, дауыс берді. Енесі мен келіндері өздерінің кандидаттарын таңдап, қолтаңбасын қалдырды.
«Біз бұл сайлауға арнайы дайындалып келдік. Бұл мереке болғандықтан тойға, мерекеге келгендей күйде болдық. Өз таңдауымызды жасадық» — дейді Жұмакүл Баймаханова.
Ал, жас келіндер де сайлаудың ел болашағы үшін маңызы жоғары екендігін жеткізді.
«Біз бірлігі жарасқан елмізде отбасымызбен тату-тәтті өмір сүріп жатырмыз. Ынтымақ бірлігіміз жарасқан отбасымыз. Апамыз жақсы, әрдайым қолғабыс етіп жүреді. Бүгінде сайлауға бірге барайық деп қолқа салды. Сонымен баршамыз бірге келдік»- дейді келіні Салтанат Құлажанова.