Байылдырда 86 жастағы көп балалы ана дауыс берді

Кентау қаласына қарасты Байылдыр ауылының тұрғыны, 86 жастағы көп балалы ана Шарбан Өтегенова ҚР Президентінің кезектен тыс сайлауына қатысып, өз таңдауын жасады.
Алтын құрсақты ана елдің жарқын болашағына дауыс беру үшін арнайы келгенін айтты.
«Сайлау ел үшін маңызы жоғары саяси науқан. Бұл еліміздің болашағын таңдау. Сондықтан мен елді дамуға бастайтын тұлғаға дауыс бердім. Сіздерде дауыс беруден қалыс қалмаңыздар» — дейді ол.
«Алтын алқа» иегері ақ батасын беріп, сайлау учаскесіндегілердің жұмысына сәттілік тіледі.