Аудан әкімі Нұрбек Бадырақов коммуналдық шаруашылық қызметінің қыс мезгілінде атқарып жатқан жұмыстарымен танысты.
Осы ретте, аудан әкімі жолдарды қардан тазарту ісі мен арнайы техникалардың ахуалын, инертті материалдардың қорын бақылады.
Бүгінде ауданда қарды тазалау жұмыстары бойынша бір күнде 8 техника мен 51 жұмысшылар жұмылдырылған. Жалпы 2023 жылға 20 тонна тұз бен 40 куб құмға тапсырыс берліген. Жұмыс барысында аудан басшысы инертті материалдарды керекті, қауіпті аймақтарға қажеттілігіне қарай көбірек себуді және қар тазалау жұмыстарына техникаларды мерзімінен кешіктірмей, уақытылы шығаруды тапсырды.
Айта кетсек, 2021-2022 жылға (қыс мезгіліне) 60 куб құм, 40 куб тұз қаралған. Қазіргі уақытқа дейін Темірлан е/м мен ауыл округтерде 52 куб құм, 30 тонна тұз себілген. Бүгінгі таңда тиісті мекемеде 10 тонна тұз, 11 куб құм қалған.
