Бүгінгі таңда Төлеби ауданында ұн өнімдерін шығаратын 2 кәсіпорын («Ақмаржан ЛТД» ЖШС қуаттылығы 34320 тонна, өндіргені 26000 тонна 76 пайыз, «Аққұм астық» ЖШС қуаттылығы 27690 тонна, өндіргені 15600 тонна 57 пайыз), сүт өнімдерін өңдейтін 2 кәсіпорын (Фуд Мастер Шымкент» ЖШС қуаттылығы тәулігіне 60 тонна, өндіргені 14400 тонна, «Балмұздақ» ЖШС қуаттылығы 4600 тонна толық қуаттылықта жұмыс жасауда), ет өнімдерін өңдейтін кішігірім 2 кәсіпорын («Доланасай» АШӨК қуаттылығы 7,5 тонна уақытша тоқтап тұр.
Одан бөлек, «Балмұздақ» ЖШС қуаттылығы 74 тонна, өңделгені 72 тонна 97 пайыз), жеміс-жидек және көкөніс өнімдерін өңдейтін 1 кәсіпорын (ЖК «Рысбаев Белес» қуаттылығы 80 тонна, өңделгені 74 тонна 92 пайыз) және өсімдік майын өңдейтін 1 кәсіпорын (Бағдаулет-1» ЖШС қуаттылығы 1200 тонна, өңделгені 540 тонна 45 пайыз) жұмыс жасайды.
Аудан аумағында 85 шаруашылық қымыз өндірумен айналысуда. Олар 8 айда өндірілген қымыз көлемін 1960 тоннаға, жыл соңына дейін 2200 тонна өнімге жеткізу жоспарлануда. Сонымен қатар, 56 шаруашылық бал ара шаруашылығымен айналысады. Жалпы ұяшық саны 4153 дана, өндірілген бал көлемі 83 тонна, оның ішінде 45 тоннасын «SUN BEE UGAM» ЖШС (ұяшық саны 1800 дана) өндіреді.
Айта кетейік, жалпы облыста 8 ет өңдеу, 23 сүт өңдеу, 22 жеміс-көкөніс өнімдерін өңдеу кәсіпорыны жұмыс істейді. Жыл ішінде қайта өңдеу көлемі 120,9 млрд. теңгені құрады. Ет өңдеу бойынша ірі кәсіпорындар: Ордабасы ауданындағы «Ордабасы құс» ЖШС (жылына 9,0 мың тн.), «Инфрастрой ЛТД» ЖШС (жылына 6,0 мың тн.), Қазығұрт ауданындағы «Қарқын-2030» ЖШС (жылына 2,8 мың тн.) болып саналады. Ал, сүт өңдеу бойынша ірі кәсіпорындар: Төлеби ауданында «Фуд Мастер» ЖШС (жылына 76,2 мың тн.), Ордабасы ауданында «Бөрте Милька» ЖШС (жылына 17,5 мың тн.), Сайрам ауданында жылдық қуаттылығы 10,0 мың тонналық 4 кәсіпорын («Натур продукт» ЖШС, «Сайрам сүт» ЖШС, «Озай Зеки» ЖК, «Рассвет» ӨК).
Жеміс-көкөніс өңдеу бойынша ірі кәсіпорындар: Сайрам ауданында «DALA-FRUIT.KZ» ЖШС (жылына 180,0 мың тн.), Ордабасы ауданында «Александровский сад» ЖШС (жылына 1,2 мың тн.), Қазығұрт ауданында «Көрік» ЖШС (тәулігіне 8,0 тн.).
