Кентау қаласында Ұлыстың ұлы тойы Наурыз мерекесінде «Әлеуметтік қызмет көрсету орталығы» ашылды.
Жиында алғы сөзді алған қала әкімі Жандос Тасов салтанатты шараға қатысушыларды мерекемен құттықтап, орталықтың қызметі жайында атап өтті.
«Ардагерлер мен зейнеткерлерге қамқорлық жасау, қарттардың өмір сүру сапасын жақсарту, оның ішінде тұрақты достық қарым-қатынасты ұйымдастыру, оларды қоғамның белсенді өміріне тарту – біздің мемлекеттік саясатымыздың басым бағыттарының бірі», деді.
Сонымен қатар, жиында қалалық «Ардагерлер кеңесінің» төрағасы М.Түнтеков жаңа ғимараттың жұмысына сәттілік жолдап, батасын берді. «КӨЗҚАРАС» мүгедектер қоғамы қоғамдық бірлестігі мүшелері көпгшілікке өнерлерін ұсынды.
Наурыз мерекесімен тұспа-тұс келген игі шарада киіз үй тігіліп, көпшлікке ұлттық тағамдар ұсынылды.
Әлеуметтік қызмет көрсету орталығында «Белсенді ұзақ өмір сүру бөлімі», «Тең қоғам бөлімі», «Әлеуметтік-психологиялық сүйемелдеу бөлімі» және «Үйде арнаулы әлеуметтік қызмет көрсету бөлімі» жұмыс істейді.
Әлеуметтік қызмет көрсету орталығының мақсаты – зейнеткерлік жастағы адамдармен мүгедектігі бар адамдардың салауатты өмір сүруі мен денсаулығы үшін қолайлы жағдай жасау. Өз-өзіне қызмет көрсету және белсенді қимыл-қозғалыс, белсенді өмір салтын сақтау және дамыту қабілетін сақтаған егде жастағы адамдар үшін әлеуметтік-медициналық, әлеуметтік-педагогикалық, әлеуметтік-психологиялық, әлеуметтік және пайдалы бос уақыт түрлерінің кешенін қамтамасыз ету. Жекелеген санаттағы азаматтардан «Ұлы Отан соғысының ардагерлері мен оларға теңестірілгендер азаматтарға» Ардагерлер үйіне, мейір шипажайына кезектен тыс жолдама беру. Санаторлық-курорттық және инватакси қызметтерін көрсетеді.
