Жетісай ауданында 105 елді мекеннің 56-сы газбен қамтамасыз етілген. Бұл аудандағы елді мекендердің жалпы санының 53 пайызын құрайды.
Бүгінгі таңда жалпы құны 2,5 млрд теңгені құрайтын Жаңа ауыл, Достық ауылдық округтеріндегі елді мекендерге жеткізуші газ құбырын салу жұмыстары, жалпы сметалық құны 3,8 млрд теңгені құрайтын Қарақай ауылдық округінде «Жетісай» АГТС салу» және Ынтымақ ауылдық округінде «Киров» АГТС құрылыс жүргізілуде. Нысандар жыл соңына дейін тапсырылатын болады.
Сондай-ақ, биыл 5 елді мекенді, атап айтар болсақ, Қызылқұм ауыл округіне қарасты болған Қызылқұм, Ақтөбе елді мекенін, Абай ауыл округіне қарасты болған Отан, Бейбітшілік елді мекенін, Ж.Ералиев ауыл округіне қарасты болған Ғ.Мұратбаев елді мекенін табиғи газбен қамтамасыз ету мақсатында «Ауыл ел бесігі» бағдарламасы және республикалық бюджеттерден жалпы 554,6 млн құрылыс жұмыстар өндірістік кестеге сәйкес жүргізілуде.
Жаңа ауыл ауылдық округіне қарасты Әбдіхалық, Мырзашөл, Атақоныс елді мекендерін газдандыруға республикалық бюджеттен 181,7 млн теңге бөлініп, мердігер мекемені анықтау мақсатында мемлекеттік сатып алу жұмыстары жүргізілуде. Нысан құрылысы 2024 жылға өтпелі.
Құрылысы жүргізіліп жатқан 5 нысан пайдалануға берілген жағдайда 1 407 абонент немесе 9 331 халық табиғи газбен қамтылатын болады. Ол аудандағы елді мекендердің жалпы санының 56 пайызын құрайды.
Сала мамандарының мәліметіне сүйенсек, қазіргі таңда өңіріміздегі 831 елдімекеннің 465-і, яғни 56 пайызы табиғи газбен қамтылған. Биыл 516 елді мекенді (62%) табиғи газға қосу жоспарланып отыр. Сонымен қатар, алдағы 3 жылдақосымша 247 елдімекенді табиғи газға қосып, нәтижесінде 2025 жылы қамту деңгейі 722 елдімекенге (86,8%) жеткізілмек. Облысты алдағы уақытта газбен жабдықтау саласында жалпы құны 19,1 млрд. теңгені құрайтын 56 жоба әзірленген.
