Қытай Халық Республикасы, Юэцин қаласының өкілдері Түркістан облысына жасаған сапары аясында «Кентау Трансформатор зауыты» АҚ жұмысымен танысты.
«Кентау Трансформатор зауыты» АҚ басқарма төрағасы Бауыржан Худайбергенов делегация өкілдеріне зауыт жайлы ақпарат беріп, қазіргі жұмыс барысын көрсетті.
Кездесуде қала әкімі Жандос Тасов Кентау қаласының тарихы, өндірістік әлеуеті және шетелдік инвесторлар үшін қалада жасалып жатқан қолайлы мүмкіндіктер жайында ақпарат берді.
Қытай Халық Республикасының делегация өкілдері Кентау қаласының экономикалық әлеуетін жоғары бағалап, алдағы уақытта ынтымақтастықты дамытуға дайын екендерін білдірді.
