Жақында Түркістан қаласында «Жаңа Қазақстан. Күшіміз бірлікте» атты тақырыпта өнер фестивалі өтті. «Конгрес Холл» кешенінде ұйымдастырылған байқау қорытындысы бойынша кентаулық оқушылар үздік деп танылып, бас жүлдеге ие болды. Облыстағы барлық аудан-қала оқушылары қатысқан өнер сайысында Кентау қалалық адами әлеуетті дамыту бөлімі марапатталып, кентаулық оқушылар оқуда ғана емес, өнерде де алдарына жан салмайтынын кезекті рет дәлелдеді.
Фестивальде қаладағы №5,22,23 жалпы орта және Саз мектептерінің, Оқушылар үйінің оқушылары өнер көрсетті. Айта кетейік, бүгінде Кентауда 25 мектеп, 20 055 оқушы бар. Былтыр Хантағы ауылынан №5 және №6 мектептерге заманауи спорт залы салынып, қолданысқа берілді.Сонымен қатар, заман талабына сай жабдықталғанЫ.Алтынсарин атындағы жекеменшік бастауыш мектеп пайдалануға берілді. Т.Рысқұлов атындағы №24 жалпы орта мектептің қолданыстағы ғимаратына күрделі жөндеу жұмыстары жүргізуге 40 млн.теңге бөлініп, мектептің кәріз жүйесі жөндеуден өткізілді. Қалада 3 ауысымда білім беретін мектеп жоқ.
«Жайлы мектеп» бағдарламасы аясында1500 орынды 2 мектеп құрылысын жүргізу үшін жер телімі бөлініп, мемлекеттік актісі алынды. 2025 жылы мектептерді пайдалануға беру жоспарлануда.
