Бүгінде Кентау қаласында 66 аялдама бар. Оның 37-і айналы аялдама болса, төртеуі ағаш пен темірден жасалған. 15-і темірлі аялдама, 1 дана бетонды, 6 дана шлакоблокты-темірлі, 3 дана шлакоблокты аялдама.
Қаладағы айналы аялдамалардың басым көпшілігі бүгінде жарамсыз күйге түскен. Сала мамандары табиғаттың тосын мінезінен олардың көпшілігінің айналары сынғанын айтады. Осы олқылықтарды қайта қалпына келтіру барысында мекеме тарапынан сметалық құжаттама даярланып, бюджеттік өтінім беріліп, мемлекеттік сатып алу веб порталы арқылы конкурс жарияланды. Соған сәйкес, ағымдағы жылы қалада 37 аялдама жаңартылатын болады.
Сонымен қоса, Кентау қаласындағы қоқыс полигоны толықтай қоршауға алынады. Қала ішіндегі 75-тей бөлікте орналасқан қоқыс жәшіктерінің алаңшасы заманауи қалыптармен қоршауға алу жұмыстары атқарылмақ.
Айта кетейік, Кентау қаласында бүгінде 99 308 адам тұрады. Қала аумағы 52,7 мың гектарды құрайды.Кентау қаласында 324 көпқабатты тұрғын үйлердің 56 ауласы бар.2020-2021 жылдары 7 көпқабатты тұрғын үй аулаларына балалар ойын алаңшалары орнатылып, абаттандыру жұмыстары жүргізілді. 2023 жылы Халық қатысатын бюджет жобасы аясында жергілікті бюджеттен 110,0 млн.тг қаржы бөлініп, 4 аулаға «стрибол-воркаут» ойын және спорт алаңшасын орнату жоспарлануда.33 ауланың жобалау сметалық құжаматталары әзірленіп, қажетті қаржы 5,1 млрд.тенге.
Көшелерді жарықтандыру және қайта жаңғырту мақсатында жалпы құны 127,8 млн. теңгеге 85 көшеге 1270 дана жарық шам, 200 дана жарық бағаналар орнатылды. Нәтижесінде қала көшелерінің жарықтандырылуы 90%-ға жеткізілді.
