Кентау қаласы әкімдігі ішкі саясат бөлімінің «Жастар ресурстық орталығы» КММ-нің ұйымдастыруымен «Динамо» стадионында «Жастар еліміздің болашағы» атты пробацияда бақылауда тұратын жастармен бірге, жалпы қала жастары арасында «Дәстүрлі садақ ату» сайысы ұйымдастырылды.
Жарысқа қаланың прокуроры Ардақ Сапарғалиұлы және Кентау қаласы пробация қызметі бөлімінің бастығы, әділет майоры Исаев Атабек, қалалық ардагерлер алқасының төрағасы Мұратша Түнтеков пен «Әжелер алқасының» төрайымы Роза Жұмабайқызы қатысып, қатысушыларға сәттілік тіледі.
Жарыстың мақсаты – ұлттық ойындарымызды жастар арасында дәріптеу, достық-қарым-қатынасты нығайту, салауатты өмір салтын ұстануға шақыру болатын. Жарысқа келген қонақтар мен қатысушыларға ұлттық тағамдар үйлестіріліп, таратылды. Жалпы, сайысқа 30-дан астам жас қатысып, үздік атанған жастарға бағалы сыйлықтармен қатар, қала әкімінің орынбасары А.Байболованың алғыс хаттары табысталды. Іс-шара соңы ән шашуға жалғасып, жастарға рухани көңілді кешке ұласты.
