Түлкібас аудандық білім бөлімінің мектепке дейінгі білім беру әдіскері Ж.Буралхиеваның ұйымдастыруымен “Таңшолпан” бөбекжай-бақшасы” МКҚК базасында “Ұлттық құндылықтар — тәрбиенің түп қазығы” тақырыбында аудандық ақпараттық-оқыту семинары өтті.
Ұлттық сана-сезімі қалыптасқан, ұлттық мүдденің өркендеуіне үлес қоса алатын, ұлттық құндылықтар мен жалпы адамзаттық құндылықтарды өзара ұштастыра алатын ұлтжанды тұлғаны тәрбиелеу мақсатында өткен семинарға аудандық білім бөлімінің әдіскері Ж.Буралхиева, мобильді топ мүшелері Р.Лепесханова, А.Толемисова, балабақша тәрбиешілері, аудан орталығындағы мектептердің МАД тобының тәрбиешілері қатысты.
Іс-шара барысында ақпараттық технология (флипчарт сабақтардың) элементтері, эксперименттік жұмыстар, ұлттық құндылықтар бойынша материалдар кеңінен қолданылды. Балалар ұйымдастырылған ойындарға белсенді түрде қатысты. Семинарға қатысқан қонақтар өз алғыстарын білдіріп, балабақша әкімшілігіне және барлық педагог-тәрбиешілердің жұмыстарына сәттілік тіледі.
Айта кетейік, бүгінде Түлкібас ауданында 51 мектепке дейінгі ұйым жұмыс істейді. Оның 15-і мемлекеттік балабақша. Онда 2003 бала, ал 33 жекеменшік балабақшада 3843 бала тәрбиеленуде. 3 шағын орталықта 100 бала бар. Барлығы 5946 бала тәрбиеленуде.
