Түркістан облысында күн райының күрт бұзылуынан жолдар жабылып, мектептер онлайнға көшті. Қазіргі кезде Төтенше жағдайлар департаментінің мамандары мен құтқарушылары және полиция қызметкерлері күшейтілген режимде жұмыс істеп жатыр. Боран басталғалы бері құтқарушылар жолда адасып қалған 156 адамды құтқарды, оның ішінде 17 бала бар.
Сондай-ақ, қар құрсауынан шыға алмай қалған ауыр жүк көліктерінің қозғалуына көмек көрсетіп жатыр.
«Түркістан облысының ТЖД мамандары қолайсыз ауа-райында және тәуліктің қараңғы уақытында жетуі қиын жерге шықпау керектігін ескертеді. Қала сыртына баратын болсаңыз, жолдардың жай-күйі туралы «Дармен» мобильді қосымшасынан білуге болады»-делінген Түркістан облысы ТЖД баспасөз қызметі ұсынған ақпаратта.
