Қазақстан Республикасы Оқу –ағарту министрлігінің «Дарын» Республикалық ғылыми-практикалық орталығының жоспары негізінде 2 — 4 бастауыш сынып оқушыларына арналған «Бастау» XVІІ республикалық математикалық олимпиадасының аудандық кезеңіне Сауран ауданындағы №2 жалпы білім беретін мектептен 5 оқушы қатысты.
Олимпиадаға қатысқан барлық оқушы өз білімдерімен дараланып, жүлделі орындарға ие болды. Атап айтар болсақ, 3 «Б» сынып оқушысы Хабибулла Сунаттулла І орынды (жетекшісі Абдурахманова Мехрнсо), 2 «А» сынып оқушысы Маликаждар Айбатыр II орынды (жетекшісі Мырзахметова Гүлзира), 3″А» сынып оқушысы Бабайбек Айбарыс IІІ орынды (жетекшісі Сағымбекова Гүлнұр), 4 «А» сынып оқушысы Құрбанбай Нұрсұлтан ІІІ орынды (жетекшісі Кесебаева Маржан), 4″Б Тожиметов Динмухаммед ІІІ орынды (сынып жетекшісі Исакова Хурсонд) иеленді.
Айта кетейік, бүгінде Сауранда аудандық білім бөліміне қарасты 54 мектеп болса, оның ішінде 36 жалпы орта мектеп, 1 негізгі мектеп, 5 бастауыш. Сонымен қатар, 12 жекеменшік мектеп жұмыс істейді. Онда 25 634 оқушы білім алады. 3335 ұстаз мұғалімдік қызмет атқарады.
Педагогтардың 51-і «педагог-шебер», 507 -сі «педагог-зерттеуші», 813 -і «педагог-сарапшы», 756-сы «педагог-модератор», 1071–і «педагог» санатын иеленген. Өткен жылы біліктілік арттыру курсынан өту үшін 734 педагогке сұраныс беріліп, барлығы курстан толықтай өтті. «Өрлеу» БА орталығы АҚ Түркістан облысы және Шымкент қаласы бойынша кәсіби даму институты ұйымдастырған курстарда 473, Педагогикалық шеберлік орталығы базасында 163 педагог, Адамның үйлесімді дамуы ұлттық институты тарапынан ұйымдастырылған курстарда 98 педагог біліктілік арттыру курстарынан өтіп, білімдерін жетілдірді.
