Мемлекет басшысы Қасым-Жомарт Тоқаев Қазақстан халқына жолдауында өңірлерге инвестиция тарту мәселесіне арнайы тоқталып өткен болатын.
«Келесі мәселе – өңірлердің қаржылық дербестігін арттыру. 2020 жылдан бастап шағын және орта бизнестен түсетін корпоративті табыс салығы жергілікті бюджетке берілді. Содан бері экономикалық белсенділік төмендегеніне қарамастан, жергілікті бюджеттердің түсімі жоспардағыдан 25 пайызға артық түсе бастады. Бұл әкімдердің жергілікті бизнесті дамытып, инвестициялар мен салықтық базаны көбейтуге қызығушылық артқанын білдіреді. Осы бағыттағы жұмысты жалғастыру керек» — деді мемлекет басшысы.
Кентау қаласы үлкен құрылыс алаңына айналып келеді. Қарап отырсаңыз, тәуелсіздік алғаннан кейінгі жылдарда қоңыр тіршілік кешкен өңірдің бүгінде бойына қан жүгіргендей. Қаланы көркейтуге тартылып жатқан инвестициялар көңілге қуаныш ұялатады. Былтырғы жылдың қорытындысы бойынша айтар болсақ, негізгі капиталға тартылған инвестиция көлемі 46784,4 млн.теңгені құрады. 2022 жылы бұл көрсеткіш 29707,5 млн. тенге болатын.
Оның ішіндереспубликалық бюджет есебінен5352,2 млн.теңге (үлесі 11,4%), жергілікті бюджет есебінен 2368,5 млн.теңге(үлесі 5,1%), меншікті қаражаты есебінен 38470,6 млн.теңге(үлесі 82,2%), банктердің кредиттері есебінен – 468,5 млн теңге(үлесі 1,0%), басқада қарыз қаражаты есебінен 124,6 млн.теңге(үлесі 0,3%).
Ал, 2022 жылы республикалық бюджет есебінен 5378,6 млн. теңге, жергілікті бюджет есебінен403,7 млн.теңге, меншікті қаражаты есебінен 23417,6 млн.теңге, басқада қарыз қаражаты есебінен 127,6 млн.теңге.
