Кентау қаласы әкімдігінде қала әкімі Жандос Тасов пен облыстық «Еңбек мобильділігі орталығы» коммуналдық мемлекеттік мекемесінің басшысы Ақмарал Жулаеваның қатысуымен кездесу өтті. Онда инвест жобалар бойынша төрт жақты меморандумға қол қойылды.
Басты мақсат — Кентау қаласындағы жұмыссыздар есебінде тұрған азаматтарды жұмыспен қамту, әлеуметтік әл-ауқатын жақсарту, кедейшілік деңгейін төмендету, табыс деңгейінің көтерілуіне, жұмыссыз жүрген жандардың өз ісін бастауы, кәсіпкерлік бойынша инцестиция тарту және жаңа жұмыс орындарын ашу болып табылады.
Айта кетейік, облыс әкімінің тапсырмасына сәйкес облыс бойынша 77 инвест жоба жүзеге асырылу қажет болса, соның 3-уі Кентау қаласында іске асып жатыр. Екеуі ауылшаруашылық бойынша, біреуі кәсіпкерлік бағытта жұмыс жасайтын болады.
Бүгінгі таңда мансап орталығында ресми 2432 жұмыссыз азаматтар тіркелген. Оның ішінде бағдарламаға қатысушы 966 адам бар. Ал, 392 адамға жұмысынан айырылушы ретінде мемлекет тарапынан жәрдемақы тағайындалған. Жұмыспен қамту шарасына қатыспаған адамдар саны-1074.
