Сарыағаш ауданында оқу жылының қорытындысы бойынша №3 М. Ломоносов атындағы оқушылар арасында «Дарындылар шеруі – 2024» өтті. Оған білімді, алғыр, білім ошағының абыройын асқақтатып жүрген оқушылар қатысты.
Бүгінгі жас – ертеңгі елдің мызғымас тірегі, келешек келбеті. Сол себепті олардың білімді, бәсекеге қабілетті, жан-жақты болуы ел дамуындағы аса маңызды фактор. Бүгінде ауданда дарынды оқушыларды қолдау мақсатында жүйелі де, маңызды жұмыстар атқарылуда. Соның бірі – жыл сайын дәстүрлі түрде өтетін «Дарындылар шеруі».
Шерудің мақсаты – мектеп абыройын аудан, облыс, республика қала берді халықаралық деңгейде асқақтасып жүрген білімді де, дарынды, өнерлі де, талантты шәкірттерді мақтан ете отырып марапаттау. «Дарындылар шеруі» жыл сайын дәстүр бойынша өткізіліп келеді. Биылғы оқу жылында үздіктердің саны 100-ден асады. Балалар үздік оқығаны үшін мадақтамалармен және арнайы алғыс хаттармен марапатталды. Ал шәкірттерін білімге баулыған шығармашыл ұстаздар да марапаттан құр алақан қайтқан жоқ. Білім және ғылым қызметкерлері кәсіподағы Сарыағаш аудандық комитеті тарапынан демалыс орындарына, шипажайларға жолдама алды.
Үздіктерді құттықтауға келген ата-аналар ұстаздарға алығыстарын білдіріп, келесі оқу жылында үздіктер саны артады деген үміттерін жеткізді.
