Сайрам ауданының білім бөлімі әдістемелік кабинетінің жылдық жоспарына сәйкес «Ұлттық құндылық – ұлт қазынасы» тақырыбында аудандық тәжірибелік семинар болып өтті. Аталған семинардың мақсаты – өскелең жас ұрпақты рухани-адамгершілік қасиетке баулу, жалпы адамзаттық және ұлттық құндылықтарды бойына сіңірген, заманауи білімді меңгерген, салауатты ұрпақ тәрбиелеу,салт-дәстүрін терең меңгеруге, ана тілін қадірлеуге үйрету.
Семинарға аудандық білім бөлімінің басшысы Бауыржан Талғатұлы қатысып, семинардың маңыздылығына тоқталды.
Семинарда басымдылық ұлттық құндылықтарға бағытталған. Бес топта түрлі ұйымдастырылған іс-әрекеттер барысында дамытушы орталарда түрлі ұлттық, дидактикалық, дамытушы ойындар ойнатылып, білімдерін нығайтуға арналған әрекеттер көрсетілді.
Семинар барысында «Асық терапиясы» тақырыбында бөбекжайдың әдіскері өз шебер сыныбын көрсетті. Алдағы уақытта асықпен жұмысты ары қарай дамыту көзделіп отырғандығын айтып өтті.
«Жасыл балабақша» жобасының аясында зерттеу жұмысының нәтижесімен бөлісті, «Бағдаршам – біздің досымыз» тақырыбында дамытушы ортада жол белгілерін меңгерту мақсатында іс-әрекет көрсетілді.
«Әжелер мектебі» арнайы ұлттық құндылықтар бағытында жабдықталып, бөбекжайдың әжелері өздерінің өю-өрнек, тігіс тігу, тоқыма тоқу, құрт жасау шеберліктерін білдіршіндерге үйретті. «Мобильді кітапхана» аймағында анамыз тың ертегілерді баяндап балаларға базарлығын тарту етті.
Жалпы «Ұлттық құндылық – ұлт қазынасы» – аудандық әдістемелік семинарда тақырыпты жан-жақты қырынан ашып, бүлдіршіндердің осы бағытта жасап жатқан әрекеттерімен бөлісті.
Қазақ халқының ұлттық құндылықтарын тәрбиеленушілердің бойына сіңдіру арқылы өткен семинарға білім бөлімінің мектепке дейінгі оқыту мен тәрбиелеу бойынша әдіскері Қ.Сарманова қорытындылап, QR арқылы бағаланған жалпы қорытынды көрсеткіш 86,7 пайыз болғандығын атап өтті.
