Суда шомылудың қауіпсіздік шараларын сақтаңыз!

Құрметті Кентау қаласының тұрғындары мен қонақтары!
Құрметті Кентау қаласы мен қалаға қарасты ауыл тұрғындары. Суға батып кетушілердің санын арттырып тұрған статистиканы бәсеңдету үшін және өз жаныңызды аман сақтап қалу үшін не істеу керек? Қандай ережелер мен қағидаларды білген жөн?
Суда шомылудың қауіпсіздік шаралары:
1. Суға тек қана рұқсат етілген орындар мен жағажайларда шомылыңыздар.
2. Суға шомылатын жерді, жалпы жағдайды судың тазалығын, тереңдігін мұқият тексеріп алыңыз.
3. Тамақ ішкеннен кейін бірден шомылмаңыз.
4. Өте ұзақ шомылмаңыз, өзіңізді шаршауға және тоңып қалтырауға дейін жеткізбеңіз.
5. Суға түскенде бір-біріңізді және балаларды көзден таса қылмаңыз.
6. Қоршау белгілерінен тысқары аумаққа шықпаңыз.
7. Техникалык ескерту белгілерінің және басқалардың үстіне шығушы болмаңыздар.
Есте сақтаңыздар! Судағы апаттан қорғанудың ең сенімді жолы — суда шомылу ережелері мен қауіпсіздік шараларын қатаң сақтау.
Кентау қаласы аумағында суға шомылуға тиым салынған орын болып бекітілген аумақтар:
— «Қосқорған» су қоймасының су ағар төкпесі
— Ырмақ өзені
— Біресек өзені
— Хантағы өзені
— Итқырылған, Ортанды өзені
— Байылдыр өзені
Статистикаға сәйкес, шомылу маусымының ашылуына орай, облыс көлемінде суға батушылардың саны 22 ге жеткен. Осыған орай, тек белгіленген аймақтарда ғана суға шомылуға, қауіпсіздік ережелерін қатаң сақтауға шақырамыз.