Кентауда «Таза Қазақстан» республикалық экологиялық акциясы аясында сенбілік жұмыстары ұйымдастырылды. Тазалық жұмыстарына мекеме қызметкерлері мен қала тұрығындары, ерікті жастар белсене қатысты.
Сенбілік барысында орталық көшелер мен көпқабатты тұрғын үйлердің ауласы тазаланып, егілген көшет талдар мен гүлзарлар суғарылды. Одан бөлек көше бойындағы арам шөптер оталып, қоқыс қалдықтары тазартылды.
Жалпы, сенбілікке 30-ға жуық мекемеден 250-дей адам қатысты. Аталған сенбілікке 6 техника жұмылдырылып, нәтижесінде 5 тоннадай қоқыс шығарылды.