Кентау қаласының әкімі Жандос Тасовтың төрағалығымен Қазақстан Республикасының заңнамасын бұза отырып пайдаланып жатқан жерлерді түгендеу бойынша атқарылып жатқан жұмыстардың барысын пысықтау мақсатында жиын өтті.
Жауапты басшылардың қатысуымен өткен жиында қалалық жер қатынастары бөлімінің басшысы А.Баубектің осы бағытта атқарған жұмыстардың есебі тыңдалды. Қалада 18 гектарды құрайтын пайдаланылмай жатқан кәсіпкерлік мақсаттағы 111 жер учаскесі анықталған. Аталған жер учаскелерінің тізімі облыстық Жер ресурстарын басқару департаментіне жолданған. Қазіргі таңда департамент тарапынан тексеру жұмыстары жүргізіліп жатыр. Нәтижесі шыққанда заң талаптарына сәйкес қажетті шаралар қабылданатын болады.
Қала әкімі жиынның қорытындысы бойынша, ауыл шаруашылығы мақсатындағы пайдаланылмайтын жерлерді ғарыштық мониторинг жүйесі арқылы анықтауды және жерді өзге мақсатта немесе мүлдем пайдаланбай жатқан субъектілер анықталған жағдайда мемлекеттік меншікке қайтару жұмыстарын жүргізуді тапсырды.
