Кентау қаласы әкімінің орынбасары Нұрбол Көкенов қаладағы көпқабатты тұрғын үй аулаларында жүргізіліп жатқан құрылыс жұмыстарын бақылады.
Құрылыстың сапалы әрі уақытылы атқарылу барысын жауапты сала басшылығына бақылап отыруды тапсырды. Атқарушы мекемеге әрбір жүргізілген құрылыс жұмыстарының барысы қала басшысының назарында екенін атап өтті.
Жалпы, қаладағы Төле би-Б.Момышұлы, Әл-Фараби-кіші Яссауи даңғылы аралығындағы, яғни Б.Момышұлы көшесі №68,70, Яссауи даңғылы №93,95, Әл-Фараби көшесі №98,96, Төлеби көшесі 59,61 және Әл-Фараби көшесі №88 көпқабатты тұрғын үй аулаларында орташа жөндеу жұмыстары мамыр айында басталған болатын.
Қазіргі таңда демонтаж жұмыстары аяқталып, асфальт жабындыларын төсеу жұмыстары жүргізілуде.
Ал, Әл-Фараби көшесі №88 және Төлеби көшесі №80 көпқабатты тұрғын үй аулаларында маусым айының соңына дейін демонтаж жұмыстары жүзеге асырылады.
