Кентау қаласының полиция бөлімінің қызметкерлері қала тұрғындарына интернет алаяқтық қылмыстары бойынша алдын алу бағытында түсіндірме жұмыстарын жүргізуде.
Түсіндіру жұмыстары қаладағы базарларда, сауда орталықтарда, көпқаббатты тұрғын үйлердің аулаларында өткізілуде. Сонымен қатар, интернет алақтарынан сақ болуға ескертілген қағаздар ілініп, парақшалар таратылды.
Қазіргі уақытта интернет алаяқтығы белең алуда. Яғни, әлеуметтік желілерді пайдалану арқылы халықты салым салу жолымен ақшаны еселеп қайтарып алуға үгіттеп, қызықтыру жүргізілуде.
Одан бөлек, «OLX», «Instagram», тағы басқа желілер арқылы жалған жарнамалар жариялап, уақытша ашылған есеп шоттарға ақша аударымдарын жасау, «WHATSAPP» желісі арқылы жеке адамның атынан қаржы сұрау секілді әрекеттер жүруде.
Аталған қылмыстың құрбаны болудан сақтану жөнінде қанша түсіндіру жұмыстары жүргізілгенімен, тұрғындар салымдар салу арқылы оңай олжа табу, басқа өңірлерден арзан затқа қол жеткізу мақсатында ақша аударымдарын жасап, алаяқтардың тұзағына іліну фактілері толастамай, үдей түсуде.
Алаяқтың арбауына берілмей, сақтықпен қарап, белгісіз әрекеттердің құрбаны болудан сақтану жайы тоқтаусыз түсіндірілуде.
Бұл бағыттағы іс- шаралар Кентау полиция бөлімі тарапынан күнделікті жалғасуда.
