Биылғы жылдың 29-31 қазан аралығында Жамбыл облысының Құлан агротехникалық жоғары колледжінде Техникалық және кәсіптік білім беру ұйымдарының педагогтері арасындағы ауыл шаруашылығы саласы бойынша «Республикалық кәсіби шеберлік конкурсы -2024» байқауы өткізілді.
Ауыл шаруашылығы саласының Агрономия бағыты бойынша техникалық және кәсіптік білім беру ұйымдарының талантты, дарынды шығармашыл педагогтерін анықтау, қолдау, тәжірибе алмасу мақсатында ұйымдастырылған республикалық кәсіби шеберлік сайысында Түркістан жоғары көпсалалы, аграрлық колледжінің арнайы пән оқытушысы Сапарбекова Гүлбану Нұрмаханбетқызы Бас жүлдені иеленді.
Ал, Қапланбек жоғары аграрлық-техникалық колледжінің арнайы пән оқытушысы Құралов Нұрғали Сәрсенұлы «Ветеринария» бағыты бойынша жүлделі ІІІ — орын және «Креативті педагог» номинациясын жеңіп алды.
