gazetakentau
Кентау Gismeteo

ҚАЗ РУС

  • Қоғам
  • Заң
  • Билік
  • Білім
  • Мәдениет
  • Дерекқор
  • Спорт
  • Таным
  • Сұхбат
  • Анықтама
No Result
View All Result
  • Қоғам
  • Заң
  • Билік
  • Білім
  • Мәдениет
  • Дерекқор
  • Спорт
  • Таным
  • Сұхбат
  • Анықтама
No Result
View All Result
gazetakentau
No Result
View All Result
Home Жаңалықтар

«Таза Қазақстан» бағдарламасы аясында Түркістан облысында тазалық жұмыстары күшейтіледі

30 июня, 2025
in Жаңалықтар, Қоғам
0
«Таза Қазақстан» бағдарламасы аясында Түркістан облысында тазалық жұмыстары күшейтіледі
Share on FacebookShare on Twitter

Мемлекет басшысының тапсырмасымен Түркістан облысында «Таза Қазақстан» бағдарламасы аясында тазалық іс-шаралары үздіксіз жүргізілуде. Облыс әкімі Нұралхан Көшеровтің төрағалығымен өткен аппараттық мәжілісінде осы бағыттағы жұмыстар талқыланды. Әкімдік бекіткен жол картасы бойынша 88 іс-шара жоспарланып, олардың 38-і тұрақты түрде іске асырылуда.

Мәжілісте облыс әкімі жұмысты тиісті деңгейде атқармаған аудан және қала басшыларына ескерту беріп, тазалық шараларын күшейтуді тапсырды. Нұралхан Көшеров бұл жұмыстың тек сенбіліктермен шектеліп қалмауын, формальді есептердің қажет емес екенін, тазалық іс-шараларын сапалы және тұрақты түрде жүргізу керектігін атап өтті.

Облыс әкімінің бірінші орынбасары Зұлпыхар Жолдасовтың айтуынша, өңірде апталық сенбіліктер тұрақты түрде өткізіліп келеді, бірақ бірқатар аудандар мен қалаларда экологиялық мәдениет қалыптастыру, азаматтық белсенділікті дамыту бағытындағы жұмыстар өз деңгейінде жүргізілмеген. Сонымен бірге, жағажай иелеріне түсіндірме жұмыстарын жүргізу және заң талаптарын бұзған жағдайда айыппұл салу қажеттігі айтылды.

Жергілікті тұрғындар мен демалушыларға ыңғайлы болу үшін демалыс аймақтарында қоқыс контейнерлерінің санын арттырып, тазалық ережелері көрсетілген ақпараттық тақтайшалар мен баннерлер орнату тапсырылды. Алдағы уақытта жергілікті полиция қызметкерлерімен бірлесіп, демалыс аумақтарында рейдтік іс-шаралар өткізіліп, бейнебақылау камераларын орнату міндеті қойылды.

Биыл қоғамдық орындарда санитарлық талаптарды бұзған 13 757 адамға хаттама толтырылып, жалпы сомасы 328,4 млн. теңге айыппұл салынды. Соның 181,2 млн. теңгесі өндірілді. Алайда, ауылдық округтерде бей-берекет қоқыс мәселесі әлі күнге дейін өзекті болып тұр. Түркістан, Кентау қалалары мен Түлкібас, Шардара, Сауран аудандарында заңсыз қоқыс орындарының көптігі байқалуда. Осыған орай, облыста демалыс аумақтарында рейдтер өткізіліп, 184 заңсыз күл-қоқыс орны анықталды.

Жол картасында бекітілген іс-шаралардың сапалы орындалуы облыс әкімдігі тарапынан тұрақты бақылауға алынатын болады.

Previous Post

Түркістан облысында экономикалық өсім мен экспортты ұлғайтуға бағытталған жобалар іске қосылады

Next Post

Түркістан облысында көгалдандыру және экологиялық тазалықты қамтамасыз ету шаралары күшейтілді

Добавить комментарий Отменить ответ

Ваш адрес email не будет опубликован. Обязательные поля помечены *

        E-mail:gazetakentau@mail.ru
Қабылдау бөлімі: тел:+7 776 666 5218

Сайт әкімшілігі материалды көшіріп басу кезінде kentauinfo.kz сайтына тікелей гиперсілтеме көрсетуді талап етеді

Біз әлеуметтік желіде

No Result
View All Result
  • Жаңалықтар
  • Cаясат
  • Қоғам
  • Билік

Кентау газеті gazeta-kentau.kz