Дүниежүзілік қоршаған ортаны қорғау күніне орай Сайрам ауданында кең көлемді санитарлық тазалық жұмыстары ұйымдастырылды. Табиғатты қорғау және экологиялық мәдениетті арттыру мақсатында өткізілген бұл шара аясында аудан аумағы қоқыстан тазартылып, қураған ағаштар кесілді, көше бойлары мен қоғамдық орындар ретке келтірілді.
Аудан тұрғындары игілікті іске белсенді түрде атсалысып, тазалық жұмыстарына бір кісідей жұмыла қатысты. Іс-шараға барлығы 6678 адам қатысып, 36 арнайы техника жұмылдырылды. Нәтижесінде полигон аумағына 116 тонна қатты тұрмыстық қалдық шығарылып, қоршаған ортаның тазалығын сақтауға сүбелі үлес қосылды.
Бұл бастама Сайрам жұртшылығының табиғатқа деген жанашыр көзқарасын танытып, жас ұрпаққа экологиялық тәрбие беруде үлгі боларлық әрекет ретінде бағаланды. Тазалыққа бағытталған бұл жұмыс аудандағы өмір сапасын жақсартуға және елді мекендердің көркіне көрік қосуға өз септігін тигізері анық.
