Кентау қаласында діни экстремизм мен радикализмнің алдын алуға бағытталған ақпараттық-түсіндіру жұмыстары тұрақты түрде жүргізілуде. Жуырда №1 Балалар-жасөспірімдер спорт мектебінің ұжымымен осы бағытта арнайы кездесу өтті.
Шара барысында «Кентау қалалық Руханият орталығы» коммуналдық мемлекеттік мекемесінің теолог маманы Ұлан Құлтай деструктивті діни ағымдардың идеологиялық ерекшеліктері туралы кеңінен түсіндіріп, жастарды жат пиғылды ұйымдардан сақ болуға шақырды. Сонымен қатар, әлеуметтік желілер мен мессенджерлер арқылы таралып жатқан діни мазмұндағы ақпараттардың шынайылығын тексерудің маңыздылығын атап өтті.
Кездесу соңында қатысушыларға арнайы әзірленген ақпараттық парақшалар таратылып, теолог маман тарапынан қойылған сауалдарға жауап берілді. Мұндай шаралар алдағы уақытта да өз жалғасын табатын болады.
