gazetakentau
Кентау Gismeteo

ҚАЗ РУС

  • Қоғам
  • Заң
  • Билік
  • Білім
  • Мәдениет
  • Дерекқор
  • Спорт
  • Таным
  • Сұхбат
  • Анықтама
No Result
View All Result
  • Қоғам
  • Заң
  • Билік
  • Білім
  • Мәдениет
  • Дерекқор
  • Спорт
  • Таным
  • Сұхбат
  • Анықтама
No Result
View All Result
gazetakentau
No Result
View All Result
Home Жаңалықтар

Мақтааралда тағы үш ауыл табиғи газға қосылды

27 августа, 2025
in Жаңалықтар, Қоғам
0
Мақтааралда тағы үш ауыл табиғи газға қосылды
Share on FacebookShare on Twitter

Қазақстан Республикасының Президенті Қасым-Жомарт Тоқаев өз Жолдауларында халықтың тұрмыс сапасын жақсарту, әлеуметтік инфрақұрылымды дамыту және экологиялық қауіпсіздікті сақтау мәселелеріне ерекше мән беріп келеді. Мемлекет басшысы атап өткендей, әрбір елді мекенге заманауи инфрақұрылым жеткізу – халықтың әл-ауқатын арттырудың басты тетігі. Осы бағыттағы жүйелі жұмыстардың нәтижесінде Түркістан облысында елді мекендерді табиғи газбен қамту жобалары қарқынды түрде жүзеге асырылуда.

30 тамыз – Қазақстан Республикасының Конституциясының 30 жылдық мерейтойы қарсаңында Мақтаарал ауданында тағы үш ауылға табиғи газ берілді. Бұл – Жаңажол ауылдық округіне қарасты Жеңіс ауылы, Ж.Нұрлыбаев ауылдық округіне қарасты Мырзатөбе ауылы және Достық ауылдық округіне қарасты Гүлістан ауылы. Аталған қуанышты сәтте аудан әкімі Бақыт Асанов ауыл тұрғындарының қуанышымен бөлісу үшін арнайы барды.

Салтанатты шара барысында аудан басшысы ауылдықтарға құттықтау сөз арнап, елді мекендерді газдандырудың маңыздылығын атап өтті.
– Елді мекендерді табиғи газбен қамтамасыз ету – Мемлекет басшысының жүктеген негізгі міндеттерінің бірі. Бұл – тек тұрмыстық жағдайды жақсарту емес, сонымен қатар экологияны сақтау, өмір сапасын арттыру бағытындағы маңызды қадам. Бүгін, міне, тағы үш ауылымызға газ беріліп отыр. Бұл – біздің тұрғындар үшін үлкен жетістік, – деді Бақыт Насырханұлы.

Газ мамандары салтанатты рәсім аясында ауыл тұрғындарына газды қауіпсіз пайдалану ережелерін түсіндіріп, арнайы жадынама-парақшалар таратты. Жергілікті халық жылы лебіздерін білдіріп, тұрмыстағы үлкен жеңілдіктерді атап өтті. Әсіресе, көмір тасу, күл шығару, от жағу сияқты қиындықтардың артта қалғанына қуанған тұрғындар табиғи газдың денсаулыққа да, тұрмысқа да қолайлы екенін жеткізді.

Айта кетейік, соңғы жылдары Мақтаарал ауданында газдандыру қарқынды түрде жүргізіліп келеді. Бүгінгі таңда аудан елді мекендерінің 75 пайызы табиғи газға қосылған. 2026 жылдың соңына дейін Мақтааралды 100 пайыз газбен қамту жоспарланып отыр. Бұл – мемлекет тарапынан көрсетіліп отырған қолдау мен жергілікті әкімдіктің жүйелі жұмысының нәтижесі.

Previous Post

Түркістан облысында биыл 73 мың халқы бар 37 елді мекен табиғи газбен қамтылады

Next Post

Кентауда жаңа оқу жылына дайындық талқыланды

Добавить комментарий Отменить ответ

Ваш адрес email не будет опубликован. Обязательные поля помечены *

        E-mail:gazetakentau@mail.ru
Қабылдау бөлімі: тел:+7 776 666 5218

Сайт әкімшілігі материалды көшіріп басу кезінде kentauinfo.kz сайтына тікелей гиперсілтеме көрсетуді талап етеді

Біз әлеуметтік желіде

No Result
View All Result
  • Жаңалықтар
  • Cаясат
  • Қоғам
  • Билік

Кентау газеті gazeta-kentau.kz