gazetakentau
Кентау Gismeteo

ҚАЗ РУС

  • Қоғам
  • Заң
  • Билік
  • Білім
  • Мәдениет
  • Дерекқор
  • Спорт
  • Таным
  • Сұхбат
  • Анықтама
No Result
View All Result
  • Қоғам
  • Заң
  • Билік
  • Білім
  • Мәдениет
  • Дерекқор
  • Спорт
  • Таным
  • Сұхбат
  • Анықтама
No Result
View All Result
gazetakentau
No Result
View All Result
Home Жаңалықтар

Түркістан облысында 10 мектеп ашылды

1 сентября, 2025
in Жаңалықтар, Қоғам
0
Түркістан облысында 10 мектеп ашылды
Share on FacebookShare on Twitter
Жаңа оқу жылының қарсаңында Түркістан облысында Мемлекет басшысы Қасым-Жомарт Тоқаевтың бастамасымен жүзеге асырылып жатқан «Келешек мектептері» ұлттық жобасы аясында 8 жаңа мектеп пен 2 жалпы орта білім ошағы ашылды.
Атап айтқанда, Төлеби ауданының Достық ауылында 900 орындық, Сайрам ауданының Ақсу ауылында 600 орындық жаңа мектептер пайдалануға берілді. Бұдан бөлек, Шардара, Сауран, Келес, Сарыағаш, Ордабасы, Мақтаарал аудандары мен Арыс қаласында да 300-600 орындық жаңа оқу ошақтары пайдалануға берілді. Бұл – өңірдегі білім инфрақұрылымын дамытуға бағытталған жүйелі жұмыстың нақты көрінісі. Жобаның түпкі мақсаты – білім беру инфрақұрылымын жаңғырта отырып, әрбір балаға сапалы білімге қол жеткізу мүмкіндігін жасау.
Сайрам ауданы, Ақсу ауылындағы жаңа мектептің ашылу рәсіміне қатысқан Түркістан облысының әкімі Нұралхан Көшеров ұстаздар мен оқушыларды Білім күнімен құттықтап, бұл бастаманың маңыздылығына ерекше тоқталды.
– Мемлекет басшысының бастамасымен қолға алынған «Келешек мектептері» жобасы
– жай ғана жаңа ғимараттар салу емес, сапалы білім беру жүйесін қалыптастыруға бағытталған кешенді реформа. Биылғы біздің өңірде осы жобамен 8 жаңа мектеп пайдалануға берілді. Бұл – болашаққа салынған көпір. Мұғалімдер мен оқушылардың заманауи, қолайлы ортада еңбек етіп, білім алуы – еліміздің интеллектуалды әлеуетін арттыратын басты құрал. Сондықтан бұл бағыттағы жұмыстарды жүйелі түрде жалғастырамыз, – деді Нұралхан Көшеров.
Жаңа мектеп заман талабына сай толық жабдықталған. Кең көлемді мәжіліс залы, заманауи шеберханалар, кітапхана, асхана, спорт залы, хореография залы, медициналық кабинеттер және бейнебақылау жүйелері қарастырылған. Бұл мектептерде тек білім берудің сапасы ғана емес, сонымен қатар оқушының шығармашылық әлеуетін ашуға, цифрлық сауаттылығын арттыруға, қауіпсіз және ыңғайлы орта қалыптастыруға баса мән беріледі.
«Келешек мектептері» жобасы аясында Түркістан облысында жалпы саны 23 мың балаға арналған 29 мектептің құрылысы жүргізілуде. Екі ауысыммен 46 мың бала білім алады.
Оның 13-і өткен оқу жылында пайдалануға берілсе, биылғы жаңа оқу жылында тағы 16 мектеп оқушыларға есік ашпақ.
Сондай-ақ Мемлекет басшысының «Мектептерді жаңғырту» (реновация) тапсырмасына орай, үш жылда 115 мектеп жаңартудан өтетін болады. Биыл облыста 100 мектеп жөндеуден өтті.
Жаңа форматтағы бұл оқу орындары білім берудің жаңа мазмұнын іске асыруда, педагогтардың кәсіби өсуіне мүмкіндік туғызып, келешек ұрпаққа сапалы білім мен саналы тәрбие беруге негіз болмақ.
Previous Post

Қыз тәрбиесі – ұлт тәрбиесімен тең – ардагер ұстаз Бибі Дәрібаева

Next Post

Бибі Еркінбекқызы: "Ананы қорғау – ұлтты қорғау, дәстүр мен дінді сақтау – елді сақтау"

Добавить комментарий Отменить ответ

Ваш адрес email не будет опубликован. Обязательные поля помечены *

        E-mail:gazetakentau@mail.ru
Қабылдау бөлімі: тел:+7 776 666 5218

Сайт әкімшілігі материалды көшіріп басу кезінде kentauinfo.kz сайтына тікелей гиперсілтеме көрсетуді талап етеді

Біз әлеуметтік желіде

No Result
View All Result
  • Жаңалықтар
  • Cаясат
  • Қоғам
  • Билік

Кентау газеті gazeta-kentau.kz