gazetakentau
Кентау Gismeteo

ҚАЗ РУС

  • Қоғам
  • Заң
  • Билік
  • Білім
  • Мәдениет
  • Дерекқор
  • Спорт
  • Таным
  • Сұхбат
  • Анықтама
No Result
View All Result
  • Қоғам
  • Заң
  • Билік
  • Білім
  • Мәдениет
  • Дерекқор
  • Спорт
  • Таным
  • Сұхбат
  • Анықтама
No Result
View All Result
gazetakentau
No Result
View All Result
Home Жаңалықтар

«ТАЗА ҚАЗАҚСТАН»: «Үлгілі ауыл» байқауының жеңімпазы болған Шарбұлақ ауылында заманауи спорт кешенінің құрылысы басталды

12 сентября, 2025
in Жаңалықтар, Қоғам
0
Қазығұрт ауданында 2027 жылға дейін газдандыру көрсеткішін 96,7 пайызға жеткізу жоспарланған
Share on FacebookShare on Twitter

Мемлекет басшысы Қасым-Жомарт Тоқаевтың тапсырмасына сәйкес елімізде қолға алынған «Таза Қазақстан» республикалық акциясы бүгінде өңірлерде кең қолдау тауып, нақты нәтижелер беруде.

Айталық, аталған бағдарлама аясында Қазығұрт ауданында бір жылдан астам уақыт ішінде жүйелі әрі ауқымды жұмыстар жүргізіліп келеді. Әр аптаның сенбі күндері ауданның барлық мекемелері, ұйымдары мен тұрғындары жұмыла қатысатын сенбіліктер тұрақты түрде өткізіле бастады. Аулалар, көшелер, арық-атыздар мен қоғамдық орындар тазаланып, абаттандыру шаралары күн тәртібінен түспей отыр.

Өткен жылы еліміз бойынша өткізілген 5 апталық «Таза Қазақстан» акциясы «Таза өлке», «Киелі мекен», «Жасыл аймақ», «Өнегелі ұрпақ», «Мөлдір бұлақ» атауларымен өтті. Бұл бағыттар өңірлерге нақты жол картасын ұсынды.

2025 жылға арналған жоспар да бекітіліп, наурыз бен қараша айлары аралығында әр айға ерекше атау беріліп, тақырыптық бағыттар белгіленді. Соның нәтижесінде аудан бойынша 500-ден аса сенбілік өткізіліп, оған 2000-нан аса тұрғын белсенді қатысты. Әсіресе жастар мен мемлекеттік қызметкерлердің белсенділігі ерекше көзге түсті. Олар тазалық шараларының алдыңғы сапында жүріп, үлгі көрсете білді.

Бұл жұмыстарға аудан әкімдігімен қатар, білім беру, ішкі саясат, жастар ресурстық орталықтары, табиғатты қорғау мекемелері, “AMANAT” партиясы, еріктілер қозғалысы мен қоғамдық ұйымдар белсене атсалысты.

Сенбіліктер барысында көшелер, саябақтар, мектеп пен мекемелердің маңайы, мешіттер мен зираттар, демалыс орындары түгел қамтылып, күл-қоқыстан тазартылды, арықтар реттелді, ағаш отырғызу жұмыстары жүйелі жолға қойылды. Нәтижесінде, аудан көлемінде 100 000-нан астам ағаш көшеті (оның ішінде жапырақты, қылқан жапырақты және жеміс ағаштары), сондай-ақ 10 000-нан аса гүл мен сәндік бұта отырғызылды. Елді мекендердің әр ауласында, мекемелер маңында газон төселіп, бұталар ретке келтірілді, ағаш түптері әктелді. Сонымен қатар, жаңа жарық шамдары, орындықтар, қоқыс жәшіктері орнатылып, ауданның көркі айтарлықтай өзгерді.

Бұл игі бастамалар Қазығұрт ауданын тек экологиялық жағынан емес, әлеуметтік-мәдени тұрғыда да жаңа деңгейге көтеруде. Соның бір дәлелі ретінде Түркістан облысында бастау алған «Үлгілі ауыл» байқауын айтуға болады. Аталған конкурс аясында Шарбұлақ ауылы бас жүлдені жеңіп алып, 2025 жылы облыстық бюджеттен 550 млн теңге бөлініп, ауылда заманауи спорт кешенінің құрылысы басталды.

Халықтың белсенділігі мен жергілікті биліктің ұйымдастырушылық қабілеті ұштасқан тұста, Қазығұрт сияқты өңірлердің жаңарып, жайнай түсері анық. Қазығұрттықтар бұл жолда алдыңғы қатарда келеді.

Previous Post

Түркістан облысында 15 млн долларлық инвестициялық жоба іске асады

Next Post

Кентауда «құқықбұзушылыққа – жол жоқ!» атты тәрбиелік кездесу өтті

Добавить комментарий Отменить ответ

Ваш адрес email не будет опубликован. Обязательные поля помечены *

        E-mail:gazetakentau@mail.ru
Қабылдау бөлімі: тел:+7 776 666 5218

Сайт әкімшілігі материалды көшіріп басу кезінде kentauinfo.kz сайтына тікелей гиперсілтеме көрсетуді талап етеді

Біз әлеуметтік желіде

No Result
View All Result
  • Жаңалықтар
  • Cаясат
  • Қоғам
  • Билік

Кентау газеті gazeta-kentau.kz